पुणे : भारतीय जनता पक्ष, शिवसेना, आरपीआय (ए), रासप, शिवसंग्राम, रयतक्रांती महायुतीचे शिवाजीनगर मतदार संघातील अधिकृत उमेदवार सिद्धार्थ शिरोळे यांनी शुक्रवारी सकाळी डेक्कन बसस्थानकाजवळील गरवारे चौकातील छत्रपती संभाजी महाराज यांच्या पुतळ्याला अभिवादन करून आपल्या प्रचाराला सुरुवात केली.
या वेळी भारतीय जनता पक्षाचे शहर उपाध्यक्ष दत्ता खाडे, नगरसेविका नीलिमा खाडे, स्वाती लोखंडे, राजश्री काळे, प्रतुल जगदाळे, गणेश बागडे, अशोक लोखंडे, राम म्हेत्रे, ओंकार केदारी, नितीन कुंवर, योगेश बाचल आदी अपस्थित होते.
सिद्धार्थ शिरोळे यांनी रुपाली हॉटेल येथे जमलेल्या ज्येष्ठ नागरिकांची भेट घेऊन त्यांच्या अपेक्षा जाणून घेतल्या. यानंतर खडकी येथील पदाधिकारी व नागरिक यांची भेट घेतली. या भागातील नागरिकांच्या अपेक्षादेखील त्यांनी जाणून घेतल्या. या वेळी खडकीचे नगरसेवक विजय शेवाळे, वकील एस. के. जैन, माजी नगरसेवक मुकेश गवळी आदी उपस्थित होते.